Ամսաթիվ:
Fri, 25/12/2015 - 13:50
Article Title:
Հրաժեշտ անալոգայինին. Կառավարությունը կօգնի սոցիալապես անապահով ընտանիքներին թվային հեռարձակման սարքերով
Խնդիրն այն է, որ գալիք տարում Հայաստանի բոլոր հեռուստաընկերություններն անցնում են անալոգայինից թվային հեռարձակման, իսկ շատերի հեռուստացույցները դեռ հին մոդելի են և հարմարեցված չեն այս փոփոխությանը: Քանի որ նման մարդկանց մեծ մասը պատկանում է անապահով խավին, Կառավարությունը որոշել է օժանդակել դրանց սարքերը ձեռք բերելու հարցում:
63-ամյա Լաուրա Եսայանը, ով ողջ կյանքն ապրում է Տավուշի մարզի սահմանամերձ Բերդավան գյուղում, «ԱրմենիաՆաուի» հետ զրույցում նշեց, որ իրեն դեռևս չեն տեղեկացրել սարքը ձեռք բերելու մասին, չնայած ինքը միայնակ է և սոցիալապես անապահով: