Ամսաթիվ:
Fri, 06/11/2015 - 15:28
Article Title:
Կյանքը Վարդենիկում. արտագաղթն իր հետքն է թողել Գեղարքունիքի խոշոր գյուղերից մեկի վրա
Խոպանչիների` հաճախ նաև ընտանիքներով մեկնողների շարքերը համալրում են նաև Գեղարքունիքի մարզի խոշոր գյուղերից մեկի՝ Վարդենիկի բնակիչները: Մայրաքաղաքից 143 կմ հեռավորության վրա գտնվող վարդենիկցիները, չկարողանալով հաղթահարել սոցիալ-տնտեսական դժվարությունները, լքում են գյուղը՝ մի մասը ժամանակավոր, մի մասն էլ` ընդմիշտ:
Վարդենիկցի Բադալյանների ընտանիքում են նստած են երեք սերունդ միմյանց կողքի` պապը, որդին և տղա թոռը: Նման բան հաճախ չես հանդիպի գյուղում: Ընտանիքի հայրը՝ Անդրանիկ Բադալյանը, շտապում է պատասխանել. մեկ շաբաթ առաջ է վերադարձել Պերմից: